WOW! Wat ‘n gholfdag!
BAIE DANKIE!!!
Corné Bezuidenhout – jy het weer bewys dat jy nie net ‘n organiseerder is nie, maar ‘n kampioen-agter-die-skerms. Alles het seepglad verloop en jy het jou, soos altyd, uitstekend van jou taak gekwyt. Ons waardeer jou ongelooflik baie.
Callies-personeel – julle is eenvoudig die beste! As ons ooit oorlog toe moet gaan, is julle die span wat ons saamvat. Van vroegoggend tot laatmiddag het julle met energie, passie, glimlagte en ‘n ongelooflike gees gewerk. Julle maak Callies trots!
Ons borge – of julle nou ‘n gaatjie geborg het, pryse geskenk het of op enige ander manier bygedra het, ons sê uit die diepte van ons harte dankie. Julle het vanjaar alle verwagtinge oortref. Sonder julle sou hierdie dag net nie dieselfde gewees het nie.
Goldfields West Gholfklub – baie dankie vir julle harde werk, gasvryheid en professionele hantering van die dag. Julle het gesorg dat alles glad verloop en ons het tuis gevoel van die eerste afslaan tot die laaste prysuitdeling.
En dan… ons gholfers! Julle is die rede waarom hierdie dag elke jaar so spesiaal is. Sommige van julle is al lankal nie meer net deelnemers nie – julle is familie. Dankie dat julle jaar ná jaar terugkom, saam lag, saam speel en ons skool met soveel entoesiasme ondersteun.Nou pak ons die baniere weg, tel die laaste gholfballe op en gee ons voete ‘n kans om te herstel… maar ons harte is vol.
Dankie vir elke bydrae, elke glimlag, elke borgskap, elke putt en selfs daardie bal wat mysteriously in die bos verdwyn het.
Julle het Callies se 2026 Gholfdag onvergeetlik gemaak!